وصيتي لابوي يابوي ليه تبكي كل ما شفتك وعينـك لـي...أخاف أموت يابوي ... وقبل الموت تبكيني تكفى يابوي لا تبكي وأنا موجود معك وحـي...أجل بعد الرحيل أشلون في قبري توطينـي ابوي لو تموت الناس ماتسوى دموعـك ذي...وأنا يابوي ميت قبل أموت وأنت محيينـي قسم بالله يابوي لجل عينك شربـت الغـي...جرعت الهم والحرمان وبحر الويل يسقينـي تحملت السنين اللي طوتني في عاذبي طـي...وصار الجمر بكفوفي .. وتحت أقدام رجليني يابوي ماعلى عمري حسافه ولا بقا بي شي...ولكـن بطلبـك يابـوي تكفـا لا تخلينـي يابوي مابي غيرك يغسـل جثتـي بالمـي...وتكفا قبل لا أتكفن .. يابوي فكلـي عينـي بأمر الله يمكن ألمحك وأرحل في عيني ضي...وودع وجهك الطاهر مع دنيـاي وسنينـي وخل الناس تحملني وترفع راسي ورجلـي...وتأخذني على قبري وتكسب أجرهـا فينـي وأذا جيت القبر يا بوي نزلني شوي شـوي...ووجهني لبيـت الله .. وقبلـه المصلينـي وحط الطين وأدفني وعز اللي يعـزي فـي...ثلاث أيام يابـوي .. يواسـوك المعزينـي ورابع يوم يا بوي تذكر .. ضحكتي وعني...تذكر وش كنت أقول يـوم أنـك تنادينـي تذكر يوم كنت أنام في ظل النخـل والفـي...تجي يمي تصب الما..على وجهي وتصحيني تذكر جرة الموال وصوت في حبالـه كـي..تذكر يوم أغني لك قصيدي وانت توحينـي تذكر ضحكتك لا قلتلك يابوي عشقي هـي...تذكر كم قصيدة خافيـه مـا بينـك وبينـي تذكر كل شي كان وأذكر.. يـوم انـا حـي...ولكـن أسالـك بالله يابـوي لا تبكيـنـي   حوار قصيدي بين الابن وامه الابن يمـــــــة جايلك تكفين انـــــــا ما اقوى تصديــــني يمـــة ماعدت اتحـــــمل إلــــــــــي صاير فــيـــني تكفين شوفــــــــي هـــــدمعـــــات في عيـــــــــني ادري انــــــك عـــــلــــــــى لهــــفة تظـــــــميني يــــــــمة ادري اللــــي صــار لـــي مـا يكفــيني انا الـــيوم يا يمه كشــــــفت غــــلــطة اســــنيني اقبل راسك العالـــي على امل تســــــــــامحيـني ارجـــوج يا غــالــية لـــــــــفــــي و كلمــــيني الام تقول الحـــــــين تجيني يا اوليدي بعد هذي السنيــــني تبي الرحــمة؟؟ ويــــــنها يوم تبكيـــــــــــــــني تبي شاقول يا قلبي بــــــــعد كل السنـــــــــيني وين عقــلك يوم كنت مــن ضيمك تغذيـــــــني وين خوفــك من ربك و هو موصيك في ديني مخفت اني امــــــوت في يوم و ايعزونك فيني ساعتها بتبكي على حالك و لا كــــنت بتبكيني الابن تكفين يكـــــــــــفي ان كنــــــــــــــت تعزيني تراني ماحكيتــــــلك عن كل اشجونــــــــــــــي تــــــــــر حالي متوقف يوم إنك تفـــــــارقيني ولا بنــــــت الحسب اليوم صايرة سائلةٍ فيني و فوق هـــــذا يا يمـــــة خسرت كل محبيني عديــــــــل الروح يا يمة صاير اول اشجوني مابي إلا رضـــــاك تكفين تراني مودع سنيني يقولون فيني اليوم مرض ما يزول دوم السنيني الام تقول ســـــلامة قلبك ياوليدي و ياريت الي فيك فيني انا مــــــــا اقوى على دموعك فديتك لا تبكيني حبيبي تعــــــال في احضاني و إياك ان تخليني انا امك مهمــــا كـــــــان و انسى كل الاحزاني انت وحيدي اليــــــوم خلنا انـــــــبدي من ثاني